发型来来去去都系几种玩法，长或短，直或鬈，浏海定系冇浏海。轻熟女长发玩得多，不如学吓呢几位女星留荫换个look，真系有效减龄又添仙气！
薛凯琪
初出道时大眼甜美人见人爱，眨吓眼其实薛凯琪已经39岁，睇唔出呢？尤其最近变发剪了浏海，可爱少女感觉番晒嚟。
陈嘉宝
已经成为两女之母，陈嘉宝由出道至今慨齐荫发型多年来都冇乜变过。其实眼大大又清纯，浏海又的确最衬Anjaylia。
陈静
出道时以天使面孔魔鬼身材称霸模界，近日陈静DaDa 突然变发，齐荫短发唔止青春啲型格啲，形象由模变成文青女神。
蒋家旻
睇住马子妮大，睇住蒋家旻由小女孩到刚刚过了31岁生日变成轻熟女，蒋家旻最近都剪番浏海，感觉仿似回到过去。
糖妹
本来生得细细粒又有可爱童颜，33岁糖妹面上已经不见岁月痕迹，加上留足多年慨齐荫发型，绝对已经成为糖妹慨个人标记。
何雁诗
新婚慨何雁诗近月都爱以浏海发型示人，临嫁前一晚公开童年相，至知人妻原来从小就爱浏海。
